Nasabat ng mga operatiba ng Mati City Police Station mula sa isang indibidwal ang tinatayang Php149,600 halaga ng hinihinalang shabu nito lamang Oktubre 1, 2024 sa Purok 2, Sitio Magum, Barangay Macambol, Mati City.
Kinilala ni Police Major Al Anthony I Gumban, Acting Chief of Police ng Mati City Police Station, ang suspek na si alyas “Jay-ar”, 32 anyos at residente ng nasabing lugar.
Ang suspek ay naaresto sa isinagawang buy-bust operation ng pinagsanib na puwersa ng Mati City Police Station, City Drug Enforcement Unit at PDEA.
Narekober naman mula sa suspek ang humigit kumulang 22 gramo ng hinihinalang shabu na may halagang Php149,600.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, malaki naman ang pasasalamat ng PNP sa buong suporta ng komunidad sa mas pinaigting na laban kontra kriminalidad at ilegal na droga.
Ang pagsisikap ng kapulisan at publiko ang siyang daan para sa mas maunlad at mapayapang Bagong Pilipinas.
Panulat ni Patrolwoman Shairra Rose A Aquino
