Nasabat ang tinatayang Php142,000 halaga ng hinihinalang shabu mula sa isang 42-anyos na lalaki sa ikinasang buy-bust operation ng Northern Police District Drug Enforcement Unit (NPD-DDEU) nito lamang Miyerkules, Abril 16, 2025, sa Phase 4, Package 6, Barangay 176, Caloocan City.
Ayon kay Police Brigadier General Josefino Ligan, District Director ng NPD, bandang 7:22 ng umaga, naaktuhan ang suspek na nagbebenta ng ilegal na droga.
Nakuha mula sa suspek ang tinatayang 21 gramo ng hinihinalang shabu na may kabuuang halagang Php142,800 at iba pang non-drug items.
Nahaharap sa kasong paglabag sa Sections 5 at 11, Article II ng Republic Act 9165 o ang “Comprehensive Dangerous Drugs Act of 2002” ang nasabing suspek.
Pinuri ni PBGen Ligan, ang mabilis at maayos na koordinasyon ng mga operatiba. Kanya ding binigyang-diin ang buong suporta ng NPD sa kampanya kontra ilegal na droga, katuwang sa layuning magkaroon ng mas ligtas at drug-free na CAMANAVA area.
Source: NPD PIO
Panulat ni PMSg Remelin M Gargantos
