Nasabat ng mga tauhan ng Pasay City Police Station ang tinatayang Php140,000 halaga ng shabu sa isang lalaking suspek matapos magsilbi ng Search Warrant nito lamang Huwebes, Setyembre 5, 2024.
Kinilala ni Police Brigadier General Leon Victor Z Rosete, District Director ng Southern Police District, ang suspek na si alyas “Ericson”.
Pinangunahan ng mga tauhan mula sa Sub-Station 1 CCP Complex at ng Station Drug Enforcement Unit (SDEU) ng Pasay City Police Station, ang pagsisilbi ng Search Warrant na naging dahilan upang makumpiska ang 20.6 gramo ng hinihinalang shabu na may tinatayang street value na Php140,080.
Sasampahan naman ng kasong paglabag sa Republic Act 9165 o Comprehensive Dangerous Drugs Act of 2002 ang suspek.
Hindi titigil ang SPD sa pagsupil sa mga sindikato ng ilegal na droga upang mapanatili ang kaayusan at kapayapaan ng ating pamayanan.
Source: SPD PIO
Panulat ni PSSg Remelin M Gargantos
