Nasabat ang tinatayang Php14,677,500 halaga ng smuggled cigarettes sa isinagawang anti-smuggling operation ng mga awtoridad sa Barangay Sarmiento, Parang, Maguindanao del Norte nito lamang ika-30 ng Hunyo 2024.
Kanilala ni Police Lieutenant Colonel Erwin G Tabora, Chief of Police ng Parang Municipal Police Station, ang mga suspek na sina alyas “Jo”, 27 years old, alyas “Rom”, 44 anyos at si alyas “Ronald”, 31 anyos, pawang mga residente ng Parang, Maguindanao del Norte.
Ayon kay PLtCol Tabora, bandang 12:30 ng hapon nang ikasa ang operasyon ng mga awtoridad ng Parang MPS katuwang ang Provincial Intelligence Unit – Maguindanao del Norte, Provincial Special Operations Group, 1st Provincial Mobile Force Company, Regional Intelligence Division PRO BAR, Regional Mobile Force Battalion PRO BAR na nagresulta sa pagkakaaresto sa mga nasabing suspek.
Nakumpiska mula sa naturang operasyon ang may kabuuang 515 boxes ng Harvey and Greenhill Brand smuggled cigarettes na nagkakahalaga ng Php14,677,500.
Ang PNP ay mas lalong paiigtingin ang kampanya kontra smuggled cigarettes upang masiguro ang kaligtasan ng bawat mamamayan.
Panulat ni Patrolwoman Veronica Laggui
