Navotas City — Tinatayang Php138,000 halaga ng shabu at baril ang nakumpiska sa dalawang suspek sa buy-bust ng Navotas PNP nito lamang Miyerkules, Abril 6, 2022.
Kinilala ni Police Colonel Dexter Ollaging, Chief of Police ng Navotas City Police Station ang mga suspek na sina Mario Fariña y Bisleg alyas “Marvin Bakulaw”, 41, at Orlando Gacayan y Dela Rosa alyas “Orly”, 52, na pawang mga residente ng M. Ablola, Bagong Kalsada St., Tangos South, Lungsod ng Navotas.
Ayon kay PCol Ollaging, dakong 11:55 ng gabi, nahuli ang mga suspek sa kahabaan ng A. Dela Cruz, Barangay San Roque, Navotas City ng mga operatiba ng PNP SWAT, Intelligence Section at PDEA.
Nakumpiska sa mga supek ang labing-isang heat-sealed transparent plastic sachet na naglalaman ng hinihinalang “shabu” na nasa 20.3 gramo at tinatayang Php138,040 ang halaga, isang yunit ng Caliber 38 Revolver na may limang bala, isang silver digital weighing scale, isang piraso na pink pocket notebook, isang piraso ng maliit na silver gunting, isang lighter, isang itim na cellular phone na Samsung Duos, isang grey sling bag, iba’t ibang dominasyon ng pera at isang Php1000 na ginamit bilang buy-bust money.
Tiniyak ni PCol Ollaging na ang Pambansag Pulisya ay patuloy sa pagpapatupad ng kampanya kontra ilegal na droga upang maging ligtas at Drug Free ang ating bansa.
Source: NPD PIO
###
Panulat ni PSSg Remelin Gargantos
