Taguig City — Umabot sa Php138,040 halaga ng shabu ang nasamsam sa dalawang suspek sa isinagawang buy-bust operation ng Taguig City Police Station nito lamang Miyerkules, Oktubre 5, 2022.
Kinilala ni Police Colonel Kirby John B Kraft, Acting District Director ng SPD, ang mga suspek na sina Alger Conor, 38, at Yelly Rose Torres, 23.
Ayon kay PCol Kraft, bandang alas-8:20 ng gabi naaresto sina Conor at Torres ng mga operatiba ng Station Drug Enforcement Unit ng Taguig CPS sa kahabaan ng Coronel Bravo St. Z-5, Brgy. Central Signal, Taguig City.
Nakumpiska mula sa mga suspek ang 14 heat-sealed transparent plastic sachet na naglalaman ng hinihinalang shabu na humigit kumulang 20.3 gramo ang bigat at may Standard Drug Price (SDP) na Php138,040, isang brown coin purse, isang black weighing scale, isang brown sling bag at Php500 na ginamit bilang buy-bust money.
Nahaharap ang mga suspek sa kasong paglabag sa Section 5 at 11 ng Article II ng RA 9165 o Comprehensive Dangerous Drugs Act of 2002.
Hinihikayat naman ni PCol Kraft ang ating mga kababayan na isuplong ang mga indibidwal na gumagamit ng ilegal na droga upang sila ay panagutin sa batas nang sa gayo’y makamtan ang isang tahimik at ligtas na pamayanan.
Source: SPD PIO
Panulat ni PSSg Remelin M Gargantos
