Cavite – Nasamsam ang tinatayang Php138,000 halaga ng shabu sa isang High Value Individual (HVI) sa ikinasang joint buy-bust operation ng Cavite PNP nito lamang Nobyembre 14, 2023.
Kinilala ni Police Colonel Eleuterio Ricardo Jr, Officer-In-Charge ng Cavite Police Provincial Office, ang suspek na si alyas “Cyrus”, residente ng Brgy. Salawag, Dasmariñas City, Cavite, nakalista bilang High Value Individual (HVI).
Naaresto ang suspek sa Brgy. Salawag, Dasmariñas City, Cavite ng mga operatiba ng Provincial Drug Enforcement Unit, Cavite PNP at Dasmariñas City Police Station.
Nasamsam mula sa suspek ang apat na piraso ng heat-sealed transparent plastic sachets na naglalaman ng hinihinalang shabu na tumitimbang ng 20 gramo at nagkakahalaga ng Php138,000 at isang pirasong Php500 bill bilang boodle money.
Nahaharap ang suspek sa kasong paglabag sa Sections 5 at 11 ng Republic Act 9165 o “Comprehensive Dangerous Drugs Act of 2002.
“Magtulong tulong tayo at magpatuloy sa ating mas pinaigting na kampanya laban sa ilegal na droga at kriminalidad sa ating lalawigan.” pahayag ni PCol Ricardo Jr.
Source: Cavite Police Provincial Office
Panulat ni Police Staff Sergeant Donabel T Dulin
