Nasabat ang tinatayang Php136 milyong halaga ng hinihinalang shabu mula sa apat na High Value Individual na kinabibilangan ng isang pulis sa ikinasang buy-bust operation ng mga otoridad sa Barangay Dontogan, Baguio City nito lamang ika-25 ng Marso 2025.
Ayon kay Police Brigadier General David K Peredo, Regional Director ng Police Regional Office CAR (PRO CAR), matagumpay ang operasyon dahil sa pagtutulungan ng mga operatiba sa pangunguna ng Regional Police Drug Enforcement Unit CAR katuwang ang Baguio City Police Office, Regional Intelligence Unit ng PRO CAR at iba pang ahensya na may layuning paigtingin ang kampanya kontra iligal na droga.
Nagresulta ang operasyon sa pag-aresto sa mga suspek at pagsamsam ng 20 piraso ng heat sealed transparent plastic sachet ng hinihinalang shabu na may kabuuang timbang na mahigit kumulang 200 gramo na may tinatayang Standard Drug Price na Php136,000,000 at iba pang non-drug items.
Ang operasyon ay patunay na kaisa ang Pambansang Pulisya katuwang ang iba’t ibang ahensya ng pamahalaan sa kampanya kontra iligal na droga at matibay na paninindigan ng PNP sa internal cleasing at pagpapanatili ng pinakamataas na antas ng integridad sa hanay nito.
