Makati City — Umabot sa Php136,000 halaga ng shabu ang nasamsam sa dalawang lalaking suspek sa isinagawang buy-bust operation ng Southern Police District nito lamang Martes, Nobyembre 29, 2022.
Kinilala ni PBGen Kirby John Kraft, District Director ng SPD, ang mga suspek na sina alyas Ronny, 36, at alyas Prince Concordia, 22.
Ayon kay PBGen Kraft, ang mga tauhan ng District Drug Enforcement Unit ng SPD ay nagsagawa ng operasyon sa kahabaan ng Magnolia Street, Barangay Rizal, Makati City bandang 9:40 ng gabi na humantong sa pagkakaaresto sa dalawang drug personality.
Nakuha mula sa mga suspek ang anim na heat-sealed transparent plastic sachet na naglalaman ng hinihinalang shabu na humigit kumulang 20 gramo at may tinatayang halaga na Php136,000, isang Php500 na ginamit bilang buy-bust money at isang coin purse.
Mahaharap ang dalawang suspek sa kasong paglabag sa Sections 5 at 11, Art II ng RA 9165 o Comprehensive Dangerous Drugs Act of 2002.
Patuloy pa din ang Southern Metro sa mandato na ipatupad ang mga batas para sa mga indibidwal na gumagamit at nagbebenta ng mga ipinagbabawal na gamot upang masigurado ang kapayapaan at kaligtasan ng bawat mamamayan.
Source: SPD PIO
Panulat ni PSSg Remelin M Gargantos
