Valenzuela City — Timbog ang isang lalaki matapos masamsam ang tinatayang Php136,000 halaga ng umano’y shabu sa isinagawang buy-bust operation ng Valenzuela City Police Station nito lamang Huwebes, Enero 26, 2023.
Kinilala ni PBGen Ponce Rogelio Peñones Jr., District Director ng Northern Police District, ang suspek na si alyas “Julius”, 39, lalaki, residente ng Tamaraw Hills Marulas, Valenzuela City.
Ayon kay PBGen Peñones Jr, bandang 10:40 ng umaga nang maaresto si alyas “Julius” sa kahabaan ng Agapita St. Gen T De Leon, Valenzuela City ng mga tauhan ng Station Drug Enforcement Unit (SDEU) at PDEA.
Nakumpiska sa suspek ang apat na small heat-sealed transparent plastic sachet na naglalaman ng hinihinalang shabu na humigit kumulang 20 gramo at may Standard Drug Price na Php136,000; dalawang tunay na Php500; pitong piraso na Php1,000 boodle money na ginamit bilang buy-bust money; at isang unit ng Samsung Analog Cellphone.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang pinaigting na kampanya kontra ilegal na droga ay naging matagumpay sa tulong ng mamamayan na iniuulat ang mga ilegal na aktibidad sa kanilang lugar na syang mahalaga upang maging ligtas at mapayapa ang komunidad.
Source: NPD PIO
Panulat ni PSSg Remelin M Gargantos
