Quezon City — Tinatayang nasa Php136,000 halaga ng shabu ang nasamsam sa tatlong lalaking suspek sa ikinasang buy-bust operation ng Kamuning Police Station (PS10) nito lamang Miyerkules, Mayo 3, 2023.
Kinilala ni Police Brigadier General Nicolas Torre lll, District Director ng Quezon City Police District, ang mga suspek sa pangalang Dick, 32; Noel, 32; at Alfred, 26, na pawang mga residente ng Brgy. Central, Quezon City.
Ayon kay PBGen Torre lll, dakong 10:30 ng gabi nang maaresto ang mga suspek ng mga operatiba dahil sa sumbong ng isang concerned citizen hinggil sa ilegal na aktibidad sa kahabaan ng Everlasting St., Brgy. Central, Quezon City.
Nakumpiska sa kanila ang 20 gramo ng shabu na nagkakahalaga ng Php136,000, isang pouch, isang kalibre .38 revolver na may anim na bala, at buy-bust money.
Nahaharap ang mga suspek sa kasong paglabag sa R.A. 9165 o Comprehensive Dangerous Drugs Act of 2002 sa harap ng Quezon City Prosecutor’s Office.
Pinuri naman ni District Director PBGen Torre lll, ang mga operatiba ng PS 10 sa kanilang walang humpay na kampanya laban sa ilegal na droga at muling iginiit na ipagpatuloy ang pinaigting na operasyon nito sa buong lungsod ng Quezon.
Source: PIO QCPD
Panulat ni PSSg Remelon M Gargantos
