Napasakamay ng mga awtoridad ang dalawang suspek matapos maaresto at mahulihan ng Php136,000 halaga ng hinihinalang shabu sa isinagawang buy-bust operation ng Cebu City PNP sa H. Abellana St., Zone 1 Barangay Canduman, Mandaue City, Cebu, noong ika-29 ng Setyembre 2024.
Kinilala ni Police Major Mark Mamac Navales, Station Commander ng Police Station 6, Mandaue City Police Office, ang dalawang suspek na sina alyas “Jay-R”, 31 anyos, residente ng Alaska, Barangay Mambaling, Cebu City at “Jariel”, 31 anyos, residente ng Riverside, Barangay Canduman, Mandaue City.
Bandang 12:37 ng hating gabi ng ikinasa ng kapulisan ang naturang buy-bust operation na nagresulta sa pagkaaresto ng mga suspek at pagkasabat ng walong plastic sachets ng hinihinalang shabu na may timbang na 20 gramo at may Standard Drug Price na Php136,000, buy-bust money at blue pouch.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Mandaue City PNP ay walang tigil sa pagsasagawa at pagpapaigting ng kampanya laban sa mga gumagamit at nagbebenta ng ilegal na droga upang masiguro ang kaayusan sa kanilang nasasakupan dahil sa Bagong Pilipinas, ang gusto ng pulis, ligtas ka!.
Source: MCPO SR
