Bukidnon – Timbog ang mag live-in partner sa ikinasang buy-bust operation ng mga tauhan ng Malaybalay City Police Station sa Brgy. Zamboanguita, Malaybalay City, Bukidnon bandang 5:02 ng hapon nito lamang Hulyo 16, 2023.
Nakumpiska mula sa mga suspek ang mahigit kumulang 20 gramo ng hinihinalang shabu na nagkakahalaga ng Php136,000, isang pirasong Php1,000 bill na ginamit bilang buy-bust money, isang pouch, assorted disposable lighter, isang surgical scissor, at isang belt bag.
Kinilala ni Police Lieutenant Colonel Julius Clark Macariola, Chief of Police ng Malaybalay City Police Station, ang mga suspek na sina alyas “Roger”, 51, isang Top 6 Provincial PNP/PDEA Target List, at naaresto na rin kamakailan dahil sa ilegal na droga, at alyas “Mailen”, 32, residente ng Malaybalay City, Bukidnon.
Kasong paglabag sa RA 9165 o Comprehensive Dangerous Drugs Act of 2002 ang kahaharapin ng mga suspek.
Patuloy ang Malaybalay City PNP sa kampanya kontra ilegal na droga at kriminalidad upang mapanatili ang kaayusan at kapayapaan sa ating pamayanan.
Panulat ni Patrolman Edwin Baris/RPCADU10
