Taguig City — Nasabat ng mga tauhan ng Taguig City Police Station ang tinatayang Php136,000 na halaga ng shabu sa isang lalaki sa ikinasa nilang buy-bust operation nito lamang Biyernes, Oktubre 6, 2023.
Pinangalanan ni PBGen Roderick D Nariano, Diatrict Director ng Southern Police District, ang suspek na si alyas “Batoy”, lalaki, at nasa hustong gulang.
Ayon kay PBGen Mariano, nahuli ng mga tauhan ng Station Drug Enforcement Unit (SDEU) ng Taguig City Police Station ang drug suspect dakong 10:50 ng gabi sa isang tirahan sa Brgy. Central Signal, Taguig City.
Sa operasyon, nakumpiska ng mga alagad ng batas ang pitong (7) heat-sealed transparent plastic sachet na naglalaman ng pinaniniwalaang shabu na may timbang na 20 gramo at street value na Php136,000, dalawang (2) Php100 na ginamit bilang buy-bust money at isang asul na coin purse.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
“Sa pangunguna ng ating mga tapat na kasamahan sa pulisya, patuloy tayong magmamasid at nakatutok sa ating mga operasyon upang mapanatili ang kapayapaan at kahandaan ng ating distrito. Ipinahayag namin ang aming determinasyon na ipagpatuloy ang aming mga pagsisikap upang labanan ang ilegal na droga at mabawasan ang mga salot na dulot nito sa ating komunidad. Kami ay handa sa pagganap sa aming tungkulin na magkaroon ng ligtas at mapayapang pamumuhay para sa lahat ng mamamayan ng Southern Police District”, ani PBGen Mariano.
Source: SPD PIO
Panulat ni PSSg Remelin M Gargantos
