Valenzuela City — Arestado ang isang tinaguriang High Value Individual (HVI) matapos mahulihan ng tinatayang Php136,000 halaga ng shabu ng mga operatiba ng Valenzuela City Police Station nito lamang Biyernes, Nobyembre 10, 2023.
Kinilala ni PBGen Rizalito Gapas, District Director ng Northern Police District, ang suspek na si alyas “Denver” (HVI/Pusher), 31, binata, cellphone technician, at residente ng Gen T De Leon, Valenzuela City.
Nangyari ang buy-bust operation ng Station Drug Enforcement Unit o SDEU ng Valenzuela CPS bandang 11:00 ng gabi sa kahabaan ng M Delos Reyes, Barangay Gen T De Leon, Valenzuela City na naging dahilan ng pagkakadakip sa suspek.
Nakumpiska sa kanya ang apat na heat-sealed transparent plastic sachet na naglalaman ng hinihinalang shabu may kabuuang timbang na dalawampung (20) gramo at nagkakahalaga ng Php136,000; isang tunay na Php500 na may kasamang siyam (9) piraso na Php1,000 boodle money; isang (1) Dark Grey na sling bag; isang (1) unit Caliber .45 na may markang GRAND MASTER na may serial no. 835612; at isang (1) magazine na may kasamang tatlong (3) piraso ng bala para sa kalibre .45.
Reklamo para sa paglabag sa Seksyon 5 at 11 ng RA 9165 at RA 10591 kaugnay ng COMELEC Resolution No. 10918 ang isasampa laban sa nasabing suspek.
Hinihikayat ng NPD ang mga mamamayan na isuplong sa kapulisan ang mga indibidwal na nagsasagawa ng mga ilegal na droga sa kanilang lugar upang mapanagot sa batas ang mga ito.
Source: NPD PIO
Panulat ni PSSg Remelin M Gargantos
