Nasabat ng Regional Police Drug Enforcement Unit (RPDEU) 11 ang humigit kumulang Php136,000 halaga ng hinihinalang shabu mula sa Newly Identified High Value Drug Personality sa Purok 7, Rolly Homes Subd., Panabo City, Davao del Norte nito lamang Oktubre 16, 2024.
Kinilala ni Police Major Maynard D Pascual, Chief, RSOG/RPDEU11, ang suspek na si alyas “Bords”, 32 anyos at residente ng Purok 7, Barangay San Francisco, Panabo City.
Ang suspek ay naaresto sa isinagawang joint buy-bust operation na pinangunahan ng RPDEU 11 katuwang ang Panabo City Police Station at sa koordinasyon ng PDEA.
Kabilang sa mga narekober mula sa suspek ang humigit kumulang 20 gramo ng hinihinalang shabu at .45 caliber ACP 1911A1 pistol at isang magazine na may tatlong bala.
Kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act” ang kakaharapin ng suspek.
Ang operasyong ito ay nagpapakita ng walang tigil na pagsisikap ng Police Regional Office 11 na labanan ang ilegal na droga at krimen sa rehiyon, upang mapanatili ang kaligtasan at seguridad sa komunidad.
Panulat ni Patrolwoman Shairra Rose A Aquino
