Pulilan, Bulacan – Patay ang suspek sa kasong Robbery matapos manlaban sa mga tauhan ng Pulilan Police Station sa Barangay Taal, Pulilan, Bulacan nito lamang ika-20 ng Hulyo 2022.
Kinilala ni Police Colonel A Cabradilla, Acting Provincial Director ng Bulacan Police Provincial Office, ang suspek na si Direk Castillo, nasa tamang edad, residente ng Barangay Longos, Pulian, Bulacan at miyembro ng Serano Criminal Gang.
Ayon kay PCol Cabradilla, kasalukuyang nagsagawa ng hot pursuit operation laban sa suspek ang mga otoridad at nasabat nila ito sa isang checkpoint ngunit sa halip na huminto ay bumunot siya ng baril at pinaputukan ang mga pulis. Naudyukan ang mga otoridad na gumanti, na humantong sa pagkamatay ng suspek.
Dagdag pa ni PCol Cabradilla, narekober sa pinangyarihan ng krimen ang isang Caliber 45 pistol na may bala, apat na catridge, tatlong piraso ng Caliber 9mm fired cartridge, dalawang piraso ng Caliber 45 fired cartridge, isang Yamaha Nmax motorcycle na kulay pula at limang sachet ng pinaghihinalaang shabu na nagtitimbang ng 20 gramo na nagkakahalaga ng Php136,000.
Samantala, nananawagan naman ang PNP na mas makabubuti kung makipagtulungan na lang sa mga otoridad upang maiwasan ang mga ganitong pangyayari.
Source: Bulacan Police Provincial Office
###
Panunulat ni Patrolwoman Hazel Rose Bacarisa
