Nakumpiska ng Mandaue City PNP ang Php136,000 halaga ng shabu mula sa isang drug suspek sa isinagawang buy-bust operation sa V Alabano St., Barangay Maguikay, Mandaue City, Cebu, noong ika-13 ng Nobyembre 2024.
Kinilala Police Major Eric C Gingoyon, Station Commander ng Police Station 4, Mandaue City Police Office, ang suspek na si alyas “Talyo”, 42 anyos na residente ng Sitio Binaliw 2, Barangay Binaliw, Cebu City.
Narekober mula sa suspek ang siyam na pakete ng hinihinalang shabu na may timbang na 20 gramo at may Standard Drug Price na Php136,000, buy-bust money, at isang black pouch.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang kapulisan ng Mandaue City ay patuloy sa pagpapaigting ng kanilang kampanya kontra ilegal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: PS 4, MCPO
