Tinatayang Php136,000 halaga ng hinihinalang shabu ang nakumpiska sa dalawang suspek matapos ang ikinasang buy-bust operation ng mga operatiba ng Bataan PNP sa Brgy. Mabuco, Hermosa, Bataan nito lamang Miyerkules, ika-27 ng Disyembre 2023.
Kinilala ni Police Colonel Palmer Tria, Provincial Director ng Bataan Police Provincial Office, ang dalawang suspek na si alyas “Harold” at alyas “Alvin”.
Narekober ang 20 gramo ng shabu na may halagang Php136,000 at boodle money.
Nahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Bataan PNP sa kanilang kampanya kontra ilegal na droga upang mapigilan ang paglaganap nito sa kanilang probinsya.
Source: Bataan Police Provincial Office
Panulat ni PCpl Jeselle V Rivera
