Narekober ng mga tauhan ng Matanog Municipal Police Station at Regional Mobile Force Battalion 14-A ang tinatayang Php135,000 halaga ng smuggled cigarettes sa Sitio Milbang, Barangay Sapad, Matanog, Maguindanao Del Norte nito lamang ika-20 ng Hunyo 2024.
Ayon kay Police Lieutenant Junior S Abbas, Chief of Police ng Matanog MPS, nakatanggap ng ulat mula sa isang concerned citizen ang naturang istasyon tungkol sa sigarilyo sa kahabaan ng baybayin ng nasabing lugar.
Agad namang tumugon ang mga awtoridad at narekober mula sa lugar ang hinihinalang abandunadong isang malaking karton na naglalaman ng Fort Brand na sigarilyo na may kabuuang 538 reams at tinatayang nagkahahalaga ng Php135,000.
Nagpapatuloy pa rin ang pagmamanman at malalim na imbestigayon ng Matanog PNP para mahuli ang mga salarin sa likod ng pagpuslit ng sigarilyo.
Panulat ni Patrolwoman Veronica Laggui
