Nasabat ang tinatayang Php135,000 halaga ng shabu sa ikinasang operasyon ng mga otoridad sa Barangay Don Salvador Lopez, Mati City, Davao Oriental nito lamang Pebrero 11, 2025.
Ang nasabing operasyon ay pinangunahan ng mga operatiba ng Mati City Police Station katuwang ang Provincial at City Drug Enforcement Unit at iba pang hanay ng pulisya.
Ayon kay Police Major Al Anthony I. Gumban, Hepe ng Mati City Police Station, ang suspek ay kinilalang si alyas “Jason”, 26 anyos, isang drayber at residente ng Barangay Dahican, Mati City.
Nakuha mula sa suspek ang 20 gramo ng shabu at iba pang non-drug evidence.
Ang suspek ay nahaharap sa paglabag sa Republic Act 9165 o mas kilala bilang “Comprehensive Dangerous Drugs Act of 2002”.
Ang operasyong ito ay konkretong halimbawa ng patuloy na pagsisikap ng Police Regional Office 11 na maaresto at mapanagot ang lahat ng lumalabag sa batas kabilang na rito ang mga indibidwal at organisasyon na sangkot sa ilegal na kalakalan ng droga, karahasan at iba pang uri krimen.
Panulat ni Pat Shairra Rose A Aquino
