Nakumpiska ang Php130,000 halaga ng smuggled na gasolina habang arestado ang dalawang suspek sa isinagawang Seaborne patrol operation ng Maritime Law Enforcement Team, Tawi-Tawi sa Tugala, Sitangkai, Tawi-Tawi nito lamang ika-8 ng Marso 2025.
Kinilala ni Police Colonel Rodolfo A Inoy Jr. Provincial Director ng Tawi-Tawi Police Provincial Office, ang mga suspek na sina alyas “Ronald”, 33 anyos at alyas “Rey”, 35 anyos, pawang residente ng naturang lugar.
Bandang 2:35 ng tanghali nang ikasa ng mga tauhan ng Sitangkai Maritime Law Enforcement Team (MLET), Tawi-Tawi Maritime Police Station (MARSPTA), Regional Maritime Unit BAR, ang naturang operasyon na nagresulta sa pagkakaaresto ng mga suspek at pagkakasamsam ng 2,000 litro ng hinihinalang smuggled na gasolina na may tinatayang halaga na Php130,000 at pagkakakumpiska ng isang hindi markadong bangkang de-motor na may mga defaced serial numbers at tinatayang may halagang Php200,000.
Kasong paglabag sa Republic Act 10863 o ang “Customs Modernization and Tariff Act” ay kakaharapin ng mga suspek.
Ang operasyong ito ay bahagi ng patuloy na kampanya ng PNP Maritime Group laban sa smuggling at iba pang iligal na aktibidad, upang mapanatili ang kaligtasan at kaayusan sa ating bansa.
Panulat ni Pat Veronica Laggui
