Walang kawala ang tatlong indibidwal sa isinagawang buy-bust operation ng mga awtoridad sa mismong hotel ng Room 3, Red High Heel Hotel, Barangay Balogo, Pigcawayan, Cotabato nito lamang umaga, Mayo 28, 2024.
Kinilala ni Police Colonel Gilberto B Tuzon, Provincial Director ng Cotabato Police Provincial Office, ang suspek na sina alyas “Bai”, 45 anyos, na residente ng Tetuan, Zamboanga City, Zambaonga Del Sur, si alyas “Ridz”, 38 anyos, residente ng Barangay Suba-Suba, Pandami, Sulu at si alyas “Bai”, 36 anyos at residente ng San Roque, Zamboanga City, Zamboanga Del Sur.
Ayon kay PCol Tuzon, naging matagumpay ang pagkakadakip sa mga suspek dahil sa pinagsanib-pwersa ng Pigcawayan Municipal Police Station, Police Drug Enforcement Agency 12, Police Provincial Drug Enforcement Unit-Cotabato Police Provincial Operation, Regional Intelligence Unit 12, Regional Intelligence Division 12, Regional Special Operation Group 12 at Integrity Monitoring and Enforcement Group 12.
Sa naturang operasyon, nakuha ang pakete ng hinihinalang shabu na may bigat na 2,050 gramo at may Standard Drug Price na Php13,940.000, isang glock 17 9mm, tatlong telepono, isang Toyota Fortuner at isang Php1,000 bill bilang buy-bust money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Cotabato PNP ay patuloy sa pagsasagawa ng mga operasyon laban sa ilegal na droga at anumang uri ng kriminalidad sa tulong ng mamamayan para mapanatili ang maayos at payapang komunidad tungo sa Bagong Pilipinas.
Panulat ni Patrolwoman Flora Mae Asarez
