Arestado ang isang ginang matapos itong mahulihan ng Php13.6 milyong halaga ng hinihinalang shabu sa isinagawang buy-bust operation sa Sitio Aroma, Subangdaku, Mandaue City, Cebu noong ika-11 ng Abril 2025.
Kinilala ni Police Major Jade Campo Sumugat, Station Commander ng Police Station 2, Mandaue City Police Office, ang suspek na si alyas “Bebe”, 41 taong gulang, isang High Value Individual at residente ng 130 Villagonzalo II, Tejero, Cebu City.
Dakong alas-12:05 ng hating gabi nang magsagawa ng buy-bust operation ang pinagsanib-pwersa ng mga tauhan ng Police Station 2 MCPO, PDEA RO7, CIU MCPO, at RID 7 na kung saan naaresto ang nasabing suspek.
Nakumpiska mula sa suspek ang 21 pakete ng hinihinalang shabu na aabot sa dalawang (2) kilo at may Standard Drug Price na Php13,600, shoulder bag na ginamit bilang lagayan ng mga droga at buy-bust money.
Mahaharap ang suspek sa kasong paglabag sa Section 5 and 11, Article II ng Republic Act 9165 o ang “Comprehensive Dangerous Drugs Act of 2002”.
Ang mga kapulisan ay patuloy sa pagsusulong ng mga programa ng pamahalaan upang matuldukan ang problema sa iligal na droga upang magkaroon ng maunlad na bansa tungo sa isang Bagong Pilipinas.
