Bukidnon – Tinatayang nasa Php125,120 halaga ng shabu at baril ang nakumpiska sa ikinasang joint entrapment operation ng mga operatiba ng Manolo Fortich Municipal Police Station at Bukidnon 1st Provincial Mobile Force Company sa Purok 1, Brgy. Alae, Manolo Fortich, Bukidnon nito lamang Martes, Enero 31, 2023.
Kinilala ni Police Major Harvey Sanchez, Officer-In-Charge ng Manolo Fortich Municipal Police Station, ang suspek na si alyas “Jor Escape”, 49 at residente ng naturang lugar.
Nakuha sa operasyon ang nasa 15 na pakete ng hinihinalang shabu na may iba’t ibang sukat at laki na may bigat na 18.4 na gramo at tinatayang nagkakahalaga ng na Php125,120, isang Cal. 22 na may limang bala, 42 pirasong bala, isang sling bag, isang Vape box at improvised packing straw.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Patuloy ang Bukidnon PNP sa paglaban para masugpo ang ilegal na droga at kriminalidad sa kanilang nasasakupan upang mapanatili ang maayos at payapa na magdadala sa kaunlaran ng probinsya.
Panulat ni Patrolman Joshua Fajardo/RPCADU10
