Timbog ang tatlong hinihinalang sangkot sa bentahan ng iligal na droga matapos makumpiskahan ng Php122,000 halaga ng hinihinalang shabu sa ikinasang buy-bust operation ng mga operatiba ng Isulan Municipal Police Station sa Purok 3, Barangay Kalawag 3, Isulan, Sultan Kudarat, dakong 5:48 ng hapon nito lamang Mayo 19, 2025.
Kinilala ni Police Lieutenant Colonel Julius R Malcontento, Hepe ng Isulan Municipal Police Station, ang mga suspek na sina alyas “Long Hair”, 48 anyos; “Sam”, 63 anyos; at si alyas “Nelson”, 57 anyos,– pawang kabilang sa listahan ng mga Street Level Individual at kapwa residente ng nasabing lugar.
Matagumpay na nakabili ang poseur-buyer sa mga suspek ng isang sachet ng hinihinalang shabu sa halagang Php1,000.
Kasunod nito, inaresto ang mga suspek at narekober mula sa kanilang pag-iingat ang isang Php1,000 bill na ginamit bilang marked money, anim pang sachet ng hinihinalang shabu, halagang Php17,150 cash, mga hinihinalang drug paraphernalia at iba pang personal na kagamitan.
Sa kabuuan, aabot sa pitong sachet ng hinihinalang shabu na may tinatayang bigat na 18 gramo na may Standard Drug Price na Php122,000.
Nahaharap sa kasong paglabag sa Sections 5 at 11, Article II ng Republic Act 9165 o “Comprehensive Dangerous Drugs Act of 2002”.
Mahigpit na ipinatutupad ng PRO 12 ang kampanya laban sa droga. katuwang ng mamamayan, ang kapulisan ay naninindigan para sa isang ligtas, maayos at drug-free na komunidad.
