Arestado ang isang matandang babae sa isinagawang buy-bust operation ng Taguig City Police Station at nakumpiska ang mahigit sa Php122,000 na halaga ng shabu nito lamang Lunes, Setyembre 23, 2024.
Kinilala ni Police Brigadier General Leon Victor Z Rosete, District Director ng Southern Police District, ang naarestong suspek na si alyas “Glenda”, 55 anyos.
Nangyari ang operasyon sa pangunguna ng Station Drug Enforcement Unit at Taguig Substation 6 bandang 9:30 ng gabi sa Santol Extension, Barangay North Signal Taguig.
Nakumpiska ng mga alagad ng batas ang tatlong heat-sealed transparent plastic sachets na naglalaman ng hinihinalang shabu, na humigit-kumulang 26.91 gramo at tinatayang street value na Php122,988.
Bukod dito, nakuha din ang isang Php500 bill na ginamit bilang buy-bust money, isang black/red coin purse, isang digital weighing scale, at isang cellular phone.
Sasampahan ng kasong paglabag sa Seksyon 5 at 11, Artikulo II ng Republic Act 9165 o “Comprehensive Dangerous Drugs Act of 2002” ang nadakip na suspek.
Pinuri ni PBGen Rosete ang dedikadong pagsisikap ng Taguig City PNP sa kanilang hindi natitinag na pangako at koordinasyon sa patuloy na laban sa ilegal na droga na patuloy na tinitiyak ang kaligtasan at seguridad ng komunidad.
Source: SPD PIO
Panulat ni PSSg Remelin M Gargantos
