Valenzuela City — Tinatayang Php122,400 halaga ng shabu ang nakumpiska sa buy-bust operation ng Valenzuela City PNP nito lamang Huwebes, May 5, 2022.
Kinilala ni Police Colonel Ramchrisen Haveria Jr, Station Commander ng Valenzuela CPS ang mga suspek na sina Glen Perciano y Molet, 41, residente ng Sto. Rosario St., Mapulang Lupa, Valenzuela City, at Philip Wayne Matthews y Isip, 24, residente ng Gemini St., Cuidad Grande Village, Caloocan City.
Ayon kay PCol Haveria Jr, bandang 3:30 ng madaling araw, naaresto ang mga suspek sa kahabaan ng East Service Road Paso De Blas, Valenzuela City ng mga operatiba ng Valenzuela CPS at PDEA.
Nakumpiska rin sa kanila ang limang maliit na heat-sealed transparent plastic sachet na naglalaman ng hinihinalang shabu na tumitimbang ng humigit-kumulang 18 gramo na may halaga na Php122,400, Php500 na ginamit bilang buy-bust money, dalawang yunit na android cellphone, at isang violet coin purse.
Mahaharap ang dalawa sa kasong paglabag sa RA 9165 o Comprehensive Dangerous Drugs Act of 2002.
Hinikayat naman ni PCol Haveria Jr. ang mga taga Valenzuela na makipag-tulungan sa kanila na isuplong ang mga taong sangkot sa anumang gawain na may kaugnayan sa ilegal na droga. Kanya ring sinigurado na ang sinumang mahuli ay papatawan ng karampatang parusa.
Source: NPD PIO
###
Panulat ni PSSg Remelin M Gargantos
