Quezon City — Tinatayang Php122,400 halaga ng shabu ang nasamsam sa tatlong drug peddler sa isinagawang buy-bust ng mga tauhan ng District Drug Enforcement Unit (DDEU) ng Quezon City Police District (QCPD) nito lamang Sabado, Mayo 6, 2023.
Kinilala ang mga suspek sa pangalang Ryan Clint, 30; Ronald Franco, 34; at Michael Rafael, 34, pawang mga residente ng Brgy. Batasan Hills, Quezon City.
Batay sa ulat, ang sanhi ng pagkakaaresto ng mga suspek ay dahil sa isang tip mula sa isang concerned citizen hinggil sa aktibidad ng ilegal na droga ng mga ito.
Nakumpiska sa kanila ang 18 gramo ng shabu na nagkakahalaga ng Php122,400, isang black coin purse, dalawang (2) cellphone, at ang buy-bust money.
Kakasuhan ang mga suspek ng paglabag sa R.A. 9165 o ang Comprehensive Dangerous Drugs Act of 2002.
Pinuri ni District Director PBGen Nicolas Torre lll ang mga operatiba ng DDEU sa kanilang walang humpay na operasyon laban sa ilegal na droga at muling ibinahagi na ipagpatuloy ang mas pinaigting na operasyon nito sa buong Lungsod ng Quezon.
Source: PIO QCPD
Panulat ni PSSg Remelin M Gargantos
