Taguig City — Umabot sa Php120,360 halaga ng umano’y shabu ang nasakote sa isang 16 anyos na binatilyo sa isinagawang buy-bust operation ng mga operatiba ng Taguig City Police Station nito lamang Martes, Abril 11, 2023.
Kinilala ni Police Brigadier General Kirby John Kraft, District Director ng Southern Police District, ang nasabing binatilyo na si alyas “Jericho”, na isang Child Conflict with the Law (CICL) na naaresto ng Station Drug Enforcement Unit ng nasabing istasyon sa kahabaan ng Road 19, Brgy. New Lower Bicutan, Taguig City bandang 1:30 ng madaling araw.
Narekober kay alyas “Jericho” ang sampung heat-sealed transparent plastic sachet na naglalaman ng hinihinalang shabu na humigit-kumulang 17.7 gramo ang timbang na may Standard Drug Price na Php120,360; dalawang genuine Php100 na ginamit bilang buy-bust money at isang black leather coin na pitaka.
Ang menor de edad ay i-tinurn over sa pangangalaga ng DSWD.
Tiniyak ni PBGen Kraft, na ang Northern Metro ay 24 oras na magpapatrolya sa mga lansangan ng lugar upang maiwasan ang anumang uri ng kriminalidad lalo na ang pagkakasangkot ng mga kabataan sa ilegal na droga.
Source: SPD PIO
Panulat ni PSSg Remelin M Gargantos
