Nasabat ang tinatayang Php12,548,700 halaga ng smuggled cigarettes sa dalawang magkahiwalay na operasyon ng Zamboanga City Police Station 8, Bureau of Customs at Regional Special Operations Unit-Regional Intelligence Division 9 sa Zone 1, Seaside, Barangay Maasin at Purok 6, Barangay. Sinunuc, Zamboanga City nito lamang ika-17 ng Hulyo 2024.
Ayon sa pahayag ng Regional Director ng Zamboanga Peninsula na si Police Brigadier General Bowenn Joey Masauding, “Pinupuri ko ang mga yunit na sangkot sa dalawang matagumpay na operasyon laban sa smuggling sa Lungsod ng Zamboanga na nagresulta sa pagkakaaresto ng tatlong indibidwal at pagkakasamsam ng mahigit 12 milyong pisong halaga ng mga smuggled na produktong tabako.
Ang mga matagumpay na operasyong ito ay nagpapakita ng dedikasyon ng Police Regional Office 9 sa paglaban sa smuggling”.
Nakumpiska sa unang operasyon ang 99 master cases at 36 reams ng Platinum White cigarettes na nagkakahalaga ng Php5,672,700 samantalang 120 master cases at 78 reams naman ng sigarilyo na may iba’t ibang brand na nagkakahalaga ng Php6,876,000 ang nakumpiska sa sumunod na operasyon.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa umuunlad na bagong Pilipinas.
Panulat ni Patrolwoman Joyce Franco
