Baguio City – Tinatayang Php119,000 halaga ng shabu at ecstasy ang nakumpiska sa limang indibidwal matapos ipatupad ang Search Warrant sa Cabinet Hill-Teachers Camp, Baguio City nito lamang Oktubre 6, 2022
Kinilala ni Police Brigadier General Mafelino Bazar, Regional Director ng Police Regional Office Cordillera, ang mga suspek na sina Mimbla Sabado Domingo, 58; Michael Bryan Sabado Domingo, 36; Kim Herreria Sabado, 31; Aira Sabado Domingo, 23; Joana Marie Cortez Mendoza, 32, pawang mga residente ng Cabinet Hill-Teachers Camp, Baguio City.
Ayon kay PBGen Bazar, nahuli ang mga suspek sa pagtutulungan ng mga operatiba ng Philippine Drug Enforcement Agency CAR (PDEA-CAR) at Baguio City Police Office-Station 3 sa nasabing tirahan ng mga suspek.
Ayon pa kay PBGen Bazar, nakumpiska sa mga suspek ang 10 pirasong heat-sealed transparent plastic sachets na naglalaman ng hinihinalang shabu na tumitimbang ng 15 gramo na may Standard Drug Price na Php102,000, 10 pirasong hinihinalang ecstasy tablet na may tinatayang nagkakahalaga ng Php17,000 at ilang drug paraphernalia.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Pambansang Pulisya ay patuloy na pinapaigting ang kampanya laban sa ilegal na droga at kriminalidad tungo sa ligtas, maayos at maunlad na komunidad.
