Nasa mahigit Php115,396 halaga ng ilegal na droga ang nasamsam sa isang suspek sa isinagawang buy-bust operation ng Manolo Fortich PNP nito lamang ika-13 ng Enero 2025 sa Barangay Tankulan, Manolo Fortich, Bukidnon.
Kinilala ni Police Lieutenant Colonel Evary E Bacunawa, Officer-In-Charge ng Manolo Fortich Municipal Police Station, ang suspek na si alyas “Tasio” 39 anyos at residente ng nasabing munisipalidad.
Nasamsam sa operasyon ang 10 pakete ng hinihinalang shabu na may timbang na nasa mahigit 16 gramo na nagkakahalaga ng Php115,390; isang cellphone; weighing scale; isang sling bag; motorsiklo; at tatlong Php1,000 bill na ginamit na bilang buy-bust money ng mga operatiba ng Manolo Fortich Municipal Police Station – Drug Enforcement Unit.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Pinuri naman ni Police Colonel Jovit L Culaway, Provincial Director ng Bukidnon Police Provincial Office, ang operating unit para sa matagumpay na operasyon. “I commend the operating team of Manolo Fortich MPS for the successful apprehension of three drug suspects. Your swift action and efforts have strengthened the safety of our community. Job well done!.”
