Nueva Ecija – Tinatayang Php112,200 halaga ng shabu ang nakumpiska sa isinagawang buy-bust operation ng Cabanatuan City PNP sa Villa Benita Subdivision Barangay H. Concepcion, Cabanatuan City nito lamang Miyerkules, ika-11 ng Enero 2023.
Kinilala ni Police Colonel Richard Caballero, Acting Provincial Director ng Nueva Ecija Police Provincial Office, ang dalawang suspek na sina alyas “Joseph”, 40, residente ng Brgy. Cruz Roja, Cabanatuan City at alyas “Francis”, 29, residente ng Brgy. San Roque Norte, Cabanatuan City.
Ayon kay PCol Caballero, nahuli ang dalawang suspek bandang 10:00 ng umaga sa pinagsanib pwersa ng Cabanatuan City Police Station-Station Drug Enforcement Unit, Provincial Intelligence Unit ng Nueva Ecija Police Provincial Office at Provincial Police Drug Enforcement Unit ng Nueva Ecija PPO.
Nakumpiska sa dalawang suspek ang hinihinalang shabu na tinatayang 16.5 na gramo na nagkakahalaga ng Php112,200, isang pirasong Php500 bill na ginamit bilang buy-bust money; isang android cellphone at isang kulay brown na wallet na naglalaman ng mga IDs.
Nahaharap ang dalawang suspek sa paglabag sa RA 9165 o Comprehensive Dangerous Drugs Act of 2002.
Ang Nueva Ecija PNP ay patuloy sa pangangampanya laban sa ilegal na droga na sumisira sa kinabukasan ng mga gumagamit ng ipinagbabawal na gamot.
Source: Cabanatuan City Police Station
Panulat ni Police Corporal Jeselle Rivera/RPCADU 3
