Nasabat ang tinatayang Php110,364 halaga ng hinihinalang shabu mula sa Top 9 City Drug Personality sa ikinasang operasyon ng mga awtoridad sa Purok 10, Barangay Bago Gallera, Talomo District, Davao City nito lamang ika-18 ng Hunyo 2024.
Kinilala ni Police Major Jonnel L Bonguyan, Station Commander ng Baliok Police Station, ang suspek na si alyas “Kosa”, 39 anyos at residente ng Tunggol, Pagagawan, Maguindanao.
Ang suspek ay naaresto sa isinagawang buy-bust operation ng mga tauhan ng nasabing istasyon kung saan narekober mula sa suspek ang 16.23 gramo ng hinihinalang shabu at nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng naturang operasyon ay dahil sa kooperasyon at suporta ng mamamayan tungo sa isang hangarin na mapayapang bansa.
Panulat ni Patrolwoman Shairra Rose A Aquino
