Nasabat ng mga operatiba ng Baliok Police Station ang tinatayang Php110,000 halaga ng marijuana nito lamang Agosto 21, 2024 sa Purok 4, Suhai Village, Barangay Bago Gallera, Davao City.
Kinilala ni Police Major Harold S Untalan, Acting Station Commander ng Baliok Police Station, ang mga suspek na sina alyas “Master”, 20 anyos at alyas “Mark”, 16 anyos (CICL) na pawang mga residente ng nasabing lungsod.
Ang mga suspek ay naaresto sa isinagawang buy-bust operation ng nasabing istasyon at narekober mula sa mga suspek ang humigit kumulang 916.73 gramo ng marijuana at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Samantala, ang pamahalaan at PNP ay nakatuon sa kampanya nito laban sa ilegal na droga. Ang tagumpay ay dahil sa pakikipagtulungan at suporta ng komunidad, na may iisang hangarin para sa isang mapayapang bansa.
Panulat ni Patrolwoman Shairra Rose A Aquino
