Bunga ng pinaigting na seguridad at pagbibigay prayoridad sa kaligtasan ng komunidad, higit Php11.5 milyon na halaga ng ilegal na droga ang nakumpiska at 489 na suspek ang nadakip sa limang araw na Anti-Criminality Campaign ng PNP sa Central Visayas.
Sa naging pahayag ng Police Regional Office 7, mula Nobyembre 28 hanggang Disyembre 2, 2023, may kabuuang 1,705.11 gramo ng ilegal na droga na may Standard Drug Price na Php11,594,748 ang nasamsam ng kapulisan mula sa 159 na drug personalities na nadakip sa magkakahiwalay na buy-bust operation.
Samantala sa ibang operasyon, 201 na personalidad ang nadakip kaugnay sa ilegal gambling, 17 indibidwal ang naaresto sa illegal possession of firearms, habang 112 na wanted person ang matagumpay na sinilbihan ng kapulisan ng warrant of arrest.
Ang matagumpay na operasyon ay resulta at bahagi ng mariing pagtalima ng kapulisan sa rehiyon alinsunod sa mandato at naging tagubilin ng Regional Director, Police Brigadier General Anthony A Aberin ukol sa tiyak na kaayusan at kapayapaan ng mamamayan.
Kaugnay dito, pinuri ni PBGen Anthony Aberin, Regional Director ng PRO 7 ang patuloy na pagsisikap ng kapulisan sa pagtugis sa mga kriminal sa rehiyon.
“Despite the incidents that happened in the past week, I would like to emphasize that the peace and order in our region statistically remain favorable and I assure the public that we will not stop until these criminals are arrested”, pahayag ni PBGen Aberin.
