Cebu City – Umaabot sa Php10 milyong halaga ng marijuana ang sinira at sinunog ng pulisya kasunod ng pagkakadiskubre ng dalawang plantasyon sa Cebu City noong Sabado, Agosto 19, 2023.
Ang naturang operasyon ay inilunsad matapos makumpirma ang impormasyon na natanggap mula sa isang concerned citizen tungkol sa plantasyon sa lugar.
Sa pangunguna ng mga tauhan ng City Mobile Force Company ng Cebu City Police Office katuwang ang Naval Forces Central, Talamban Police Sation, at opisyales ng barangay, agad na isinagawa ang operasyon sa Sitio Mit-ol, Brgy. Tagbao, Cebu City dakong alas-4 ng umaga.
Tiinatayang nasa 25,000 stalks ng fully-grown marijuana na may Standard Drug Price na Php10,000,000 ang tumambad sa grupo na agad na pinagbubunot at sinunog.
Samantala, pinaghahanap na ng mga awtoridad ang kinilalang magsasaka at tagapangalaga ng plantasyon na si alyas “Boy”, residente ng Brgy. Adlaon, Cebu City matapos nakaiwas sa pagkakaaresto nang dumating ang mga awtoridad sa lugar.
Pinuri naman ni Police Brigadier General Anthony A Aberin, Regional Director ng Police Regional Office 7, ang grupo sa likod ng mahusay at matagumpay na operasyon.
“Echoing the message of SILG Atty. Benjamin Abalos Jr.’s BIDA Program and CPNP’s 5-Focused Agenda, PRO7 is launching a comprehensive, relentless, and community-based approach against illegal drugs with the help of the community”, saad ng Regional Director.
