Maguing, Lanao del Sur – Tinatayang Php10,000,000 halaga ng marijuana ang binunot at sinunog ng PNP sa Brgy. Batobato, Maguing, Lanao del Sur noong ika-17 ng Setyembre 2022.
Ayon kay Police Brigadier General John Guyguyun, Acting Regional Director ng PRO BAR, binunot at sinunog ng mga operatiba ng PNP Drug Enforcement Group Special Operations Unit 10 at 1403rd Regional Mobile Force Battalion 14 ang 50,000 fully grown marijuana plants na nagkakahalaga ng Php10,000,000 na itinanim sa 10,000 square meters na lupain.
Ang mga binunot na sample ng halamang marijuana ay dinala sa Regional Forensic Unit – Lanao del Sur para sa pagsusuri.
Samantala, nagsasagawa ng imbestigasyon ang Maguing MPS at PNP DEG SOU 10 upang matukoy ang pagkakakilanlan ng magsasaka gayundin ang may-ari ng lupain para sa pagsasampa ng kaukulang kaso.
“Patuloy na makikipag-ugnayan ang PRO BAR sa iba pang law enforcement agencies para mas mapaigting ang ating kampanya laban sa ilegal na droga. Ang maayos na koordinasyon ng PNP at PDEA ay nakatulong para magtagumpay ang operasyon na ito. Tulong-tulong tayo sa pagsugpo ng ilegal na droga sa ating bayan,” ani PBGen Guyguyun.
Panulat ni Patrolman Charlie Nasroden Corpuz
