Tinatayang Php109,480 halaga ng shabu ang nakumpiska mula sa isang drug suspect sa ikinasang buy-bust operation ng mga operatiba ng Gingoog Municipal Police Station katuwang ang Regional Mobile Force Battalion 10 nito lamang ika-26 ng Marso 2025 sa Barangay 18-A, Gingoog City, Misamis Oriental.
Kinilala ni Police Brigadier General Jaysen C De Guzman, Acting Regional Director ng Police Regional Office 10, ang suspek na si alyas “Tonyo”, 28 taong gulang at residente ng P-3, Barangay 18-A, Gingoog City, Misamis Oriental.
Nagresulta sa matagumpay na pagkakadakip sa suspek at pagkakakumpiska ng 16.1 na gramo na may tinatayang Php109,480; isang black na coin purse; isang plastic canister; at isang Php500 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
“Patuloy po ang inyong kapulisan sa rehiyon diyes sa kampanya kontra ilegal na droga. Hinihikayat ko po ang publiko na magmasid sa paligid at ireport ang anumang iligal na aktibidad na makikita nila sa kanilang lugar,,” pahayag ni RD De Guzman.
