Sulu – Nakumpiska ang tinatayang Php109,700 halaga ng shabu sa dalawang naarestong suspek (DI-Listed) sa isinagawang buy-bust operation sa Sitio Matada, Brgy. Asturias, Jolo, Sulu noong Hunyo 4, 2023.
Kinilala ni PLtCol Annidul Sali, Chief of Police ng Jolo MPS, ang mga naarestong suspek na sina alyas “Leah” at si alyas “Fred” na may PDEA BAR Pre-ops number 30005-062023-0020.
Nahuli ang mga suspek sa pinagsanib na pwersa ng mga tauhan ng Jolo MPS, 4th Regional Mobile Force Company, Regional Mobile Force Battalion BASULTA, at Provincial Intelligence Unit-Sulu PPO.
Si alyas “Leah” ay naaresto na rin ng Jolo MPS sa kasong paglabag sa RA 9165, Section 5 at 11 noong 2021 ngunit umamin at nag-plea bargaining ang suspek para sa mas mababang kaparusahan at sumailalim sa probation sa kanyang pangalawang pagkakaaresto.
Nakumpiska mula sa suspek ang apat na piraso ng heat-sealed transparent plastic sachet na naglalaman ng shabu na tinatayang may bigat na 15.250 gramo at tinatayang nagkakahalaga ng Php109,700, drug paraphernalia at iba pang non-drug evidence.
Mahaharap ang mga suspek sa kasong paglabag sa RA 9165 o “Comprehensive Dangerous Drugs Act of 2002”.
Ang matagumpay na operasyon ay nagpapatunay na ang mga tauhan ng PRO BAR ay hindi nagpapabaya sa kanilang sinumpaang tungkulin at mas lalo pang papaigtingin ang kanilang kampanya kontra ilegal na droga para makamit ang kaayusan tungo sa maunlad na pamayanan.
Panulat ni Pat Mark Vincent Valencia
