Cagayan de Oro City – Tinatayang Php108,800 halaga ng hinihinalang shabu ang nasabat sa ikinasang buy-bust operation ng Cagayan de Oro City Police Station 4 – Drug Enforcement Team sa Barra, Brgy. Macabalan, Cagayan de Oro City bandang 10:21 ng umaga nito lamang ika-11 ng Agosto 2023.
Kinilala ni Police Major Mario Mantala Jr., Station Commander ng Cagayan de Oro City Police Station 4, ang mag-amang suspek na sina alyas “Camlon”, 51 at ang anak nitong menor-de-edad na si alyas “Aisen”, 17 anyos na residente ng nasabing lugar.
Sa naturang operasyon, nakuha ang pitong pakete ng hinihinalang shabu na may bigat na 16 gramo na may Standard Drug Price na Php108,800, isang sling bag at isang pirasong Php500 bill na ginamit bilang buy-bust money.
Nahaharap ang mga suspek sa kasong paglabag sa Sec 5 at Art 11 ng RA 9165 o Comprehensive Dangerous Drugs Act of 2002.
Ang Cagayan de Oro City PNP ay patuloy sa mandato laban sa ilegal na droga at anumang uri ng kriminalidad upang mapanatiling maayos at ligtas ang nasasakupang komunidad.
