Navotas City – Nasamsam ng mga tauhan ng Navotas City Police Station ang tinatayang Php106,080 halaga ng shabu sa isang suspek nito lamang Sabado, Mayo 20, 2023
Kinilala ni Northern Police District Director, PBGen Ponce Rogelio Peñones Jr., ang suspek na si alyas “Jan-Jan”, 30, binata, walang trabaho, at residente ng Leongson St., Brgy. San Roque sa Navotas City.
Ayon kay PBGen Peñones Jr, naganap ang buy-bust operation bandang 3:40 ng madaling araw sa kahabaan ng Gov. Pascual St., Brgy. San Jose ng lungsod ng mga operatiba mula sa Station Drug Enforcement Unit (SDEU) ng Navotas CPS na nagresulta sa pagkakaaresto ni alyas “Jan-jan”.
Nakumpiska sa suspek ang limang piraso ng heat-sealed transparent plastic sachet na naglalaman ng pinaghihinalaang shabu; isang Php500 na ginamit ng poseur-buyer bilang buy-bust money; at isang kulay pulang pitaka.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Pinuri ni PMGen Edgar Alan OKubo, Regional Director ng NCRPO, ang Navotas City Police Station para sa walang patid na dedikasyon sa pagganap sa tungkulin upang labanan ang ilegal na droga at mapanatili ng kapayapaan at kaayusan ng distrito.
Source: NPD PIO
Panulat ni PSSg Remelin M Gargantos
