Rodriguez, Rizal – Tinatayang Php103,360 na halaga ng shabu ang nasabat sa isang suspek sa buy-bust operation ng Rodriguez PNP nito lamang Huwebes, Setyembre 1, 2022.
Kinilala ni Police Lieutenant Colonel Marcelino Pipo Jr., Chief of Police ng Rodriguez Municipal Police Station, ang suspek na si Reynante De Castro y Nugui, 44, walang trabaho, residente ng Purok 5, Brgy. Bagong Ilog, Manggahan, Rodriguez, Rizal.
Ayon kay PLtCol Pipo Jr., bandang 10:00 ng gabi naaresto ang suspek sa Milex Road, Brgy. Manggahan, Rodriguez, Rizal ng mga operatiba ng Rodriguez Municipal Police Station.
Narekober sa suspek ang anim na pirasong heat-sealed transparent plastic sachets na naglalaman ng hinihinalang shabu na tumitimbang ng 15.20 gramo na tinatayang nagkakahalaga ng Php103,360, tatlong pirasong Php100 bill na ginamit bilang buy-bust money, Php300 na recovered money at isang pouch.
Nahaharap ang suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
Hinihikayat ng PNP ang mamamayan na ipagbigay alam ang mga ilegal na aktibidad na may kinalaman sa droga at iba pang krimen upang manatiling ligtas at maayos ang komunidad.
Source: Rodriguez Municipal Police Station
Panulat ni Police Executive Master Sergeant Joe Peter Cabugon
