Panabo City – Tinatayang aabot sa Php103,360 halaga ng hinihinalang shabu ang nasabat sa isinagawang buy-bust operation ng Panabo PNP sa Purok 17 Brgy. New Visayas, Panabo City nito lamang Oktubre 9, 2023.
Kinilala ni Police Major Jun Bautista, Acting Chief of Police ng Panabo City Police Station, ang suspek na si alyas “Bossing”, 38, residente ng Brgy. New Visayas, Panabo City na kabilang sa mga Street Level Drug Personality ng lugar.
Naaresto ang suspek ng pinagsamang tauhan ng Panabo PNP at PDEA XI.
Nakuha mula sa suspek ang ilang pakete ng hinihinalang shabu na may bigat na humigit kumulang na 15.2 gramo na may street market value na Php103,360 at ang marked money na ginamit sa operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa sa nasabing suspek.
Nagpaalala naman ang Police Regional Office 11 na tumigil na sa mga masasamang gawain katulad ng pagpapalaganap ng ilegal na droga sa Rehiyon dahil lalo pa nilang paiigtingin ang kanilang kampanya kontra droga.
Panulat ni Patrolman Alfred Vergara
