Nasabat ng Mandaue City PNP ang Php103,224 na halaga ng shabu sa isinagawang buy-bust operation sa Sitio San Lorenzo, Barangay Jagobiao, Mandaue City, noong ika-10 ng Marso 2024.
Kinilala ni Police Lieutenant John Aldrin Orzame Baligad, Deputy Station Commander ng Police Station 3, Mandaue City Police Office, ang suspek na si alyas “Fedie”, 36 at residente ng Sitio Kanamucan, Barangay Guimbal, Compostela, Cebu.
Ayon kay PLt Baligad, bandang 2:33 ng madaling araw nang maaresto ang suspek at narekober ang 9 na pakete ng hinihinalang shabu na may timbang na 15.18 gramo at may Standard Drug Price na Php103,224 at buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Mandaue City ay patuloy sa pagpapaigting ng kanilang kampanya kontra ilegal na droga. Ito ay alinsunod sa prayoridad ng pamahalaan na labanan lahat ng uri ng kriminalidad upang mapanatili ang seguridad at kaligtasan ng mamamayan tungo sa maunlad at bagong Pilipinas.
Source: Police Station 3, MCPO SR
Panulat ni Pat Grace P Coligado
