Valenzuela City — Arestado ang isang lalaki matapos mahulihan ng tinatayang Php102,000 halaga ng shabu ng Valenzuela City Police Station nito lamang Martes, Mayo 23, 2023.
Kinilala ni Police Brigadier General Ponce Rogelio I Peñones Jr, District Director ng Northern Police District, ang suspek na si alyas “Odek”, 42 at kasalukuyang naninirahan sa no.43 P. Capalad, Balangkas, Valenzuela City.
Ayon kay PBGen Peñones Jr, nagsagawa ng planadong buy-bust operation ang tauhan ng Station Drug Enforcement Unit ng Valenzuela CPS bandang 12:10 ng madaling araw, sa kahabaan ng Cadena de Amor Street, Balangkas, Valenzuela City na naging dahian ng paglakaaresto kay alyas “Odek”.
Narekober sa suspek ang isang small at medium sized na heat-sealed transparent plastic sachet na naglalaman ng hinihinalang shabu; isang Php500 na may kasamang walong Php1,000 boodle money na ginamit bilang buy-bust money; at isang itim na coin purse.
Paglabag sa Section 5 at 11 sa ilalim ng Article II ng RA 9165 o Comprehensive Dangerous Drugs Act of 2002 ang kahaharapin ng suspek.
Pinuri ni PMGen Edgar Alan O Okubo, Regional Director ng NCRPO ang Valenzuela City Police Station para sa walang humpay na dedikasyon at pakikipagtulungan ng pulisya sa komunidad, upang labanan ang ilegal na droga at kriminalidad sa Northern Metro.”
Source: NPD PIO
Panulat ni PSSg Remelin M Gargantos
