Ipil, Zamboanga Sibugay – Tinatayang Php102,000 na halaga ng shabu ang nakumpiska sa isang lalaki sa search warrant operation ng kapulisan ng Zamboanga nito lamang Biyernes, Marso 18, 2022.
Kinilala ni Police Brigadier General Franco Simborio, Regional Director, Police Regional Office 9, ang suspek na si Lito C Presno, 41, residente ng Purok San Francisco, Brgy. Pangi, Ipil, Zamboanga Sibugay.
Ayon kay Police Brigadier General Simborio, bandang 6:18 ng umaga naaresto si Presno sa nasabing barangay sa isinagawang operasyon ng Regional Drug Enforcement Unit-9; Provincial Intelligence Unit-9; Provincial Drug Enforcement Unit-9; 2nd Zamboanga Sibugay Provincial Mobile Force Company at Ipil Municipal Police Station.
Ayon pa kay Police Brigadier General Simborio, nakuha sa suspek ang anim na pirasong heat-sealed transparent plastic sachets na may kabuuang timbang na 15 gramo ng hinihinalang shabu na nagkakahalaga ng Php102,000, improvised crystal glass tooter, dalawang digital weighing scale at improvised forceps holder.
Dagdag pa ni Police Brigadier General Simborio, naaresto ang suspek sa bisa ng Search Warrant Number 275 para sa paglabag sa R.A 9165 na inilabas ni Honorable Anthony DT Isaw, CPA, noong Marso 16, 2022.
Ang Pambansang Pulisya ay mas lalong pinapaigting ang kampanya laban sa ilegal na droga para mapanatiling ligtas at maayos ang komunidad.
###
Panulat ni Police Staff Sergeant Grace Neville L Ortiz
