Rizal – Tinatayang Php102,000 halaga ng shabu ang nakumpiska sa isang suspek sa buy-bust operation ng mga pulisya ng Taytay nito lang Huwebes, Marso 24, 2022.
Kinilala ni Police Colonel Baccay, Provincial Director, Rizal Police Provincial Office, ang suspek na si Jomar Nuñez Llamera, 31, unemployed, residente ng Villa Cuana Phase 1, Brgy. Pinagbuhatan, Pasig City.
Ayon kay Police Colonel Baccay, bandang 7:40 ng gabi naaresto si Llamera sa Road 7, Abnai, Lupang Arenda, Brgy. Sta. Ana, Taytay, Rizal ng mga operatiba ng Taytay Municipal Police Station.
Ayon pa kay Police Colonel Baccay, nakumpiska mula sa suspek ang apat na piraso ng heat-sealed transparent plastic sachet na naglalaman ng hinihinalang shabu na tumitimbang ng 15 gramo at tinatayang nagkakahalaga ng Php102,000, isang pirasong Php1,000 na ginamit bilang buy-bust money at dalawang piraso na Php500.
Mahaharap ang suspek sa kasong paglabag sa Section 5 at Section 11, Article II ng Republic Act 9165 o Comprehensive Dangerous Drugs Act of 2002.
Ang Pambansang Pulisya ay lalo pang paiigtingin ang kampanya laban sa ilegal na droga at mga krimen para manatiling ligtas at maayos ang komunidad.
###
Police Executive Master Sergeant Joe Peter V Cabugon
