Navotas City – Timbog ang dalawang pusher matapos mahulihan ng tinatayang Php102,000 halaga ng shabu sa ikinasang buy-bust operation ng mga tauhan ng Navotas City Police Station nito lamang Martes, Hunyo 25, 2023.
Kinilala ni PBGen Rizalito Gapas, Acting District Director ng Northern Police District, ang mga suspek na sina alyas “Ambo” (Pusher/Listed), 34, residente ng 149 Malinis St., Brgy. Tanza 1, Navotas City; at alyas “Pusa” (Pusher/Not listed), 47, mangingisda at residente ng Binuangan, Purok 3, Obando, Bulacan.
Ayon kay PBGen Gapas, nangyari ang nasabing operasyon matapos magbenta ng isang (1) pirasong small heat-sealed transparent plastic sachet na naglalaman ng hinihinalang shabu ang isang police poseur buyer na nagresulta sa kanilang pagkakaaresto bandang 11:35 ng gabi, sa kahabaan ng C3 Road, Brgy. NBBS Kaunlaran, Navotas City.
Nasamsam sa mga suspek ang apat na pirasong heat-sealed transparent plastic sachet ng hinihinalang shabu at isang Php500 na ginamit bilang buy-bust money.
Mahaharap ang mga naarestong suspek sa kasong paglabag sa RA 9165 o Comprehensive Dangerous Drugs Act of 2002.
Tiniyak ni PBGen Gapas na lalong paiigtingin ng kanyang hanay ang kampaya kontra ilegal na droga upang makamtan ang mapayapa at ligtas na komunidad.
Source: NPD PIO
Panulat ni PSSg Remelin M Gargantos
